शासन निर्णय दिनांक ७ डिसेंबर २०२३ नुसार इयत्ता ५ वी ८ वी वर्गासाठी नव्याने वार्षिक परीक्षा व पास/नापास पद्धती सुरु करण्यात आली आहे.
या दोन्ही वर्गांचा निकाल बनवणे सोपे व जलद करण्यासाठी ही एक्सेल शीट बनवण्यात आली आहे.
रिजल्ट शीट ची वैशिष्ट्ये :
१. दिनांक ७ डिसेंबर २०२३ च्या शासन निर्णयानुसार नवीन विद्यार्थी गुण पत्रक
२. या फाईल च्या ResultT2 या शीट मध्ये सवलतीचे गुण देण्याची सुविधा दिली आहे.
३. प्रत्येक विषयासाठी कमाल मर्यादेपेक्षा सवलतीचे गुण दिल्यास सेल चा रंग लाल होतो.
४. सर्व विषयांचे एकूण सवलतीचे गुण कमाल मर्यादेपेक्षा अधिक दिल्यास शीट च्या शेवटी असलेल्या शेरा मध्ये तशी सूचना येते.
Download Result Excel Sheet 5th and 8th
निकालपत्रक (result excel file ) इयत्ता 1 ली ते ७ वी
इयत्ता ५वी आणि ८वी साठी वार्षिक परीक्षा आणि मूल्यमापन पद्धती:
१) वार्षिक परीक्षा:
- ५वी आणि ८वीसाठी वार्षिक परीक्षा द्वितीय सत्रात घेतली जाईल.
- वार्षिक परीक्षेसाठी ५० गुणांचा (५वी) आणि ६० गुणांचा (८वी) अभ्यासक्रम असेल.
- वार्षिक परीक्षेमध्ये तोंडी/प्रात्यक्षिक (१० गुण), लेखी (४० गुण ५वी, ५० गुण ८वी) यांचा समावेश असेल.
- वार्षिक परीक्षा एप्रिल महिन्याच्या दुसऱ्या आठवड्यात आयोजित केली जाईल.
२) इयत्ता उत्तीर्णतेसाठी निकष:
- ५वी साठी १८ गुण आणि ८वी साठी प्रत्येक विषयात किमान २१ गुण (३५%) मिळणे आवश्यक आहे.
- गुणपत्रकात श्रेणीऐवजी गुण दिले जातील.
- अनुत्तीर्ण विद्यार्थ्यांना पुनर्परीक्षा देण्याची संधी उपलब्ध असेल.
३) इतर महत्वाचे मुद्दे:
- कला, कार्यानुभव, आरोग्य आणि शारीरिक शिक्षण यांसारख्या विषयांसाठी फक्त आकारिक मूल्यांकन केले जाईल.
- ५वी आणि ८वी तील विद्यार्थ्यांना अनुत्तीर्ण झाल्यास सवलतीचे गुण दिले जातील.
- पुनर्परीक्षा देण्यापूर्वी विद्यार्थ्यांना अतिरिक्त पूरक मार्गदर्शन दिले जाईल.
इयत्ता ५ वी आणि ८ वी साठी पुनर्परीक्षा २०२३-२४: महत्त्वाची माहिती
पुनर्परीक्षेसाठी पात्रता:
- फक्त इयत्ता ५ वी आणि ८ वी च्या वार्षिक परीक्षेत अनुत्तीर्ण झालेले विद्यार्थी पुनर्परीक्षेसाठी पात्र आहेत.
- कला, कार्यानुभव, शारीरिक शिक्षण आणि आरोग्य शिक्षण या विषयांची पुनर्परीक्षा होणार नाही.
पुनर्परीक्षेचे मूल्यांकन:
- पुनर्परीक्षेतील गुणांच्या आधारे विद्यार्थ्यांना उत्तीर्ण किंवा अनुत्तीर्ण ठरवले जाईल.
- तोंडी/प्रात्यक्षिक परीक्षेचे १० गुण आणि लेखी परीक्षेचे ५० गुण (५ वी इयत्ता) आणि ६० गुण (८ वी इयत्ता) मिळतील.
- विदर्भ वगळता जून महिन्याच्या पहिल्या आठवड्यात आणि विदर्भात जून महिन्याच्या दुसऱ्या आठवड्यात पुनर्परीक्षा घेण्यात येईल.
- नवीन शैक्षणिक वर्ष सुरू होण्यापूर्वी निकाल जाहीर केले जातील.
अनुत्तीर्ण विद्यार्थ्यांसाठी:
- जर विद्यार्थी एका किंवा अधिक विषयात अनुत्तीर्ण झाला तर त्याला त्याच वर्गात ठेवण्यात येईल.
- इयत्ता ५ वी मध्ये किमान १८ गुण (३५%) आणि इयत्ता ८ वी मध्ये किमान २१ गुण (३५%) प्रत्येक विषयात मिळणे आवश्यक आहे.
- अनुत्तीर्ण विद्यार्थ्यांना सवलतीचे गुण दिले जातील.
इतर महत्वाची माहिती:
- वार्षिक परीक्षेत उत्तीर्ण झालेल्या विद्यार्थ्यांसाठी गुण सुधारण्यासाठी पुनर्परीक्षा नाही.
- पुनर्परीक्षेचा निकाल नवीन शैक्षणिक वर्ष सुरू होण्याच्या किमान तीन दिवस आधी जाहीर केला जाईल.
- केंद्रप्रमुख आणि शाळा मुख्याध्यापक यांनी पुनर्परीक्षेची तयारी करावी.
४) सवलतीचे गुणः-
- > वार्षिक परीक्षेनंतर वर्गोन्नतीसाठी अपात्र ठरणाऱ्या / अनुतीर्ण होणाऱ्या विद्यार्थ्यास उत्तीर्ण होण्यासाठी वाढीव सवलतीचे गुण (Grace Marks) देय असतील. एका विद्यार्थ्यास सवलतीचे कमाल १० गुण देता येतील. कमाल तीन विषयांसाठी विभागून असे गुण देता येतील मात्र एका विषयासाठी कमाल ०५ गुण देता येतील.
-> सवलतीचे गुण देऊन विद्यार्थी उत्तीर्ण होत असेल तरच सवलतीचे गुण देण्यात यावेत.
शासन निर्णय दिनांक ७ डिसेंबर २०२३ नुसार वरील मार्गदर्शक सुचनानुसार इयत्ता ५ वी व ८ वी च्या वार्षिक परीक्षा घेऊन निकाल बनवण्यासाठी एक्सेल सॉफ्टवेअर खालील लिंक वर क्लिक करून डाउनलोड करू शकता .
निकालपत्रक (result excel file ) इयत्ता 5 वी व 8 वी
मूळ लिंक वरून फाईल डाउनलोड न झाल्यास वरील पर्यायी लिंक वापरा.
